அற்புத நண்பன்
தனிமை மட்டுமே!
தனிமையின் தன்மைகள்
ஆர்ப்பரிப்பும்...அமைதியும் கலந்தவை!
மோனங்களின் மறைவுகள்
இங்கேதான் புலப்படும்.
கானங்களின் நிறைவுகள்
அங்கேதான் பலப்படும்!
ஞானம் புதைந்த நொடிகள்...
வானம் அளக்கும் அடிகள்!
எனை நோக்கி நீண்டு வரும்
தென்றல் கூட ஆயிரம் கவி மொழியும்!
ஆனந்தங்களின் தாண்டவம்
தனிமையோடும் வியாபிக்கும்!
அற்பமான காலங்கள்..
சிற்பமான கோலங்கள்!
நுட்பங்கள் எல்லோருக்கும் தெரியாது
ரகசியங்கள் எல்லோருக்கும் புரியாது!
தனிமையென்பது...
ஒரு குழந்தை!
கொஞ்சுவதும்..
கெஞ்சுவதும்...
அதீதமாய்!
No comments:
Post a Comment